മുസ്ലീം യുവാവിനെ സ്‌നേഹിച്ചതിന്റെ പ്രതികാരം: ക്രിസ്ത്യന്‍ യുവതിയെ കൂട്ടബലാത്സംഗം ചെയ്തു

മുസ്ലീം യുവാവിനെ സ്‌നേഹിച്ചതിന്റെ പ്രതികാരം: ക്രിസ്ത്യന്‍ യുവതിയെ കൂട്ടബലാത്സംഗം ചെയ്തു

ലാഹോര്‍: മുസ്ലീം യുവാവിനെ സ്‌നേഹിച്ചതിന്റെ പേരില്‍ ക്രൈസ്തവ യുവതിയുടെ സഹോദരിയായ വീട്ടമ്മയെ മക്കളുടെ മുമ്പില്‍ വച്ച് ബലാത്സംഗം ചെയ്തു. സമ്ര ബദാല്‍ എന്ന വീട്ടമ്മയ്ക്കാണ് ഈ ദുര്യോഗമുണ്ടായത്.

സമ്രായുടെ സഹോദരി ഇനിയാത് മസിഹ,ശേഹര്‍ വാസിഫ് എന്ന മുസ്ലീം യുവാവുമായി പ്രണയത്തിലായിരുന്നു. ഇതിന്റെ അനന്തരഫലങ്ങള്‍ ക്രൈസ്തവയുവതിയുടെ വീട്ടുകാര്‍ അനുഭവിക്കേണ്ടിവരുമെന്ന് മുസ്ലീം സമുദായത്തിന്റെ ഭീഷണിയുണ്ടായിരുന്നു. പ്രസ്തുത ബന്ധത്തെക്കുറിച്ച് സംസാരിക്കാനായിട്ടാണ് നാലുപേരടങ്ങുന്ന മുസ്ലീങ്ങള്‍ സമ്രയുടെ വീട്ടിലെത്തിയത്.

എന്നാല്‍ സമ്ര ഈ വിഷയത്തെക്കുറിച്ച് പ്രതികരിക്കാന്‍ തയ്യാറാകാത്തതിനാല്‍ രോഷാകുലരായ സംഘം ആദ്യംയുവതിയെ മര്‍ദ്ദിക്കുകയും നഗ്നയാക്കി വലിച്ചിഴയ്ക്കുകയും മക്കളുടെ മുന്നില്‍ വച്ച് മാനഭംഗപ്പെടുത്തുകയുമായിരുന്നു.

ശേഹറിന്റെ കുടുംബം അധികാരികള്‍ക്കിടയില്‍ സ്വാധീനമുള്ളവരായതിനാല്‍ കേസ് രജിസ്ട്രര്‍ ചെയ്‌തെങ്കിലും പ്രത്യേകിച്ച് ഫലമൊന്നും ഉണ്ടാവുകയില്ല എന്നാണ് കരുതുന്നതെന്ന് അഭിഭാഷകന്‍ അനീക്വ എം അന്തോനി പറഞ്ഞു.  ക്രൈസ്തവ രാഷ്ട്രീയപ്രവര്‍ത്തകരുടെ സഹായം അഭ്യര്‍ത്ഥിച്ചിട്ടുണ്ടെന്നും അവര്‍ ഈ വിഷയത്തില്‍ ഇടപെടുമെന്നാണ് പ്രതീക്ഷിക്കുന്നതെന്നും അദ്ദേഹം പറഞ്ഞു.

ജൂണ്‍ 25 നാണ് സംഭവം നടന്നത്. സമ്രയ്ക്ക് അഞ്ചു മക്കളുണ്ട്.

You must be logged in to post a comment Login