മലയാറ്റൂരില്‍ ഇന്ന് പൊതുദര്‍ശനം, സംസ്കാരം നാളെ

മലയാറ്റൂരില്‍ ഇന്ന് പൊതുദര്‍ശനം, സംസ്കാരം നാളെ
കൊച്ചി: കൊല്ലപ്പെട്ട ഫാ. സേവ്യര്‍ തേലക്കാട്ടിന്റെ സംസ്‌കാരശുശ്രൂഷകള്‍ ശനിയാഴ്ച രാവിലെ പത്തിനു പെരുമ്പാവൂര്‍ ഈസ്റ്റ് ചേരാനല്ലൂര്‍ സെന്റ് ഫ്രാന്‍സിസ് സേവ്യര്‍ പള്ളിയില്‍ നടക്കും.
പോസ്റ്റ്‌മോര്‍ട്ടം നടപടികള്‍ കളമശേരി മെഡിക്കല്‍ കോളജില്‍ പൂര്‍ത്തിയാക്കി.അങ്കമാലി ലിറ്റില്‍ ഫ്‌ളവര്‍ ആശുപത്രിയില്‍ സൂക്ഷിക്കുന്ന മൃതദേഹംഇന്ന് രാവിലെ 10 മുതല്‍ രാത്രി എട്ടുവരെ  മലയാറ്റൂര്‍ സെന്റ് തോമസ് പള്ളിയില്‍ പൊതുദര്‍ശനത്തിനു വയ്ക്കും. തുടര്‍ന്ന് ഈസ്റ്റ് ചേരാനല്ലൂരിലുള്ള വസതിയിലേക്കു കൊണ്ടുപോകും.
ശനിയാഴ്ച രാവിലെ പത്തിനു സംസ്‌കാരശുശ്രൂഷകള്‍ ആരംഭിക്കും. മേജര്‍ ആര്‍ച്ച്ബിഷപ് കര്‍ദിനാള്‍ മാര്‍ ജോര്‍ജ് ആലഞ്ചേരിയുടെ മുഖ്യകാര്‍മികത്വത്തിലാണു സംസ്‌കാരശുശ്രൂഷകള്‍.

You must be logged in to post a comment Login