കോപ്റ്റിക് ബിഷപ്പിന്റെ മരണം, പോലീസ് അന്വേഷണം ആരംഭിച്ചു

കോപ്റ്റിക് ബിഷപ്പിന്റെ മരണം, പോലീസ് അന്വേഷണം ആരംഭിച്ചു

ബെഹ്‌റിയ: ഞായറാഴ്ച ആശ്രമത്തില്‍ മരിച്ച നിലയില്‍ കണ്ടെത്തിയ കോപ്റ്റിക് മെത്രാന്റെ മരണകാരണത്തെക്കുറിച്ച് പോലീസ് അന്വേഷണം ആരംഭിച്ചു. ബെഹ്‌റിയായിലെ ആശ്രമത്തിന്റെ അധിപന്‍ ബിഷപ് എപ്പിപ്പാനിയസിനെയാണ് ആക്രമണത്തിന് ഇരയായി മരിച്ച നിലയില്‍ കണ്ടെത്തിയത്. ദൂരൂഹമായ സാഹചര്യത്തില്‍ കണ്ടെത്തിയ മൃതദേഹത്തില്‍ ശിരസിലും പുറകിലും മുറിവുകളുണ്ടായിരുന്നു. ഇങ്ങനെയൊരു സാഹചര്യത്തിലാണ് പോലീസ് അന്വേഷണം ആരംഭിച്ചിരിക്കുന്നത്. ഈജിപ്തിലെ കോപ്റ്റിക് ക്രൈസ്തവരുടെ പ്രാതിനിധ്യം വെറും പത്തു ശതമാനം മാത്രമാണ്. പലപ്പോഴും ക്രൂരമായ പീഡനങ്ങള്‍ക്ക് ഇവര്‍ വിധേയമാകാറുമുണ്ട്.

You must be logged in to post a comment Login